हेटौंडा टुडे
हेटौडा । आफ्नै श्रीमतीलाई भरूवा बन्दुक प्रहार गरी हत्या गरेको अभियोगमा ब्यास नगरपालिका–५ मानुङकोटस्थित पिखरीगैराका ५६ वर्षीय श्रीप्रसाद आलेलाई मंगलबार राति प्रहरीले पक्राउ गरेको छ ।
आलेमाथि आफ्नी श्रीमती ४७ वर्षीया गीता आलेको हत्या गरेको आरोप छ । आलेले श्रीमतीलाई भरूवा बन्दुक प्रहार गर्दा गम्भीर घाइते भएको भन्ने खबर प्राप्त हुनासाथ जिल्ला प्रहरी कार्यालय तनहुँबाट खटिएको प्रहरीले उनलाई बन्दुकसहित पक्राउ गरेको हो ।
प्रहरीका अनुसार गम्भीर घाइते गीताको जिल्ला अस्पताल दमौलीमा उपचारको क्रममा मृत्यु भएको हो । यो घटनाका सम्बन्धमा प्रहरीले थप अनुसन्धान गरिरहेको जनाएको छ ।
सेयर गर्नुहोस्
