हेटौंडा टुडे
हेटौंडा । आज आइतबार हेटौंडामा नेकपा माओवादी केन्द्र, नेकपा एकीकृत समाजवादी जनता समाजवादी पार्टी र नेपाल कम्युनिष्ट पार्टी आबद्ध समाजवादी मोर्चाका प्रदेशस्तरीय भेला हुँदैछ ।
भेलालाई प्रधानमन्त्री पुष्पकमल दाहाल प्रचण्डसहितका मोर्चाका शिर्ष नेताहरुले सम्बोधन गर्ने कार्यक्रम रहेको छ । हेटौंडाको रोयल पार्टी प्यालेसमा हुने कार्यक्रमको सम्पूर्ण तयारी पूरा भएको समाजवादी मोर्चामा आबद्ध मकवानपुरका दलका नेताहरुले जानकारी दिएका छन् ।
प्रचण्डसँगै नेकपा एकीकृत समाजवादीका अध्यक्ष एवम् पूर्व प्रधानमन्त्री माधवकुमार नेपाल, जनता समाजवादी पार्टीका अध्यक्ष उपेन्द्र यादव र नेपाल कम्युनिष्ट पार्टीका महासचिव नेत्रविक्रम चन्द विप्लव लगायत नेताले सम्बोधन गर्ने नेकपा एस मकवानपुरका अध्यक्ष विष्णु दाहालले जानकारी दिए ।भेलाले चारवटै पार्टीको तीन-तीनजना नेता सहभागी हुने गरी बागमती प्रदेश समाजवादी मोर्चा समेत घोषणा गर्ने मकवानपुर अध्यक्ष दाहालले बताए ।
