हेटौंडा टुडे
हेटौडा। धादिङमा ट्रकको ठक्करबाट दुई स्कुले बालबालिकाको ज्यान गएको छ । बुधबार बिहान धादिङको गजुरी गाउँपालिका–२ मलेखुस्थित मजुवामा विद्यालय जादै गरेका
सिद्धलेक गाउँपालिका–६ का निर्मल श्रेष्ठ र सञ्जीव श्रेष्ठको ट्रकको ठक्करबाट घटनास्थलमै ज्यान गएको जिल्ला प्रहरी कार्यालयका प्रहरी नायब उपरीक्षक सन्तुलालप्रसाद चौधरीले जानकारी दिएका छन् । काठमाडौँबाट चितवनतर्फ जाँदै गरेको प्रदेश ०२–००१ ख ६४१३ नम्बरको ट्रकले दुवैजनालाई ठक्कर दिएको थियो । मृतक दुवै बालक बागेश्वरी माध्यमिक विद्यालयमा कक्षा ८ मा अध्यनरत विद्यार्थी रहेको जनाइएको छ । अहिले स्थानीयले क्षतिपूर्तिको माग गर्दै पृथ्वीराजमार्गको मलेखु क्षेत्रमा यातायात बन्द गराएका छन् । ट्रक चालकलाई प्रहरीले नियन्त्रण लिएको छ । अवरोधका कारण अहिले पृथ्वी राजमार्ग अवरुद्ध बनेको छ ।
सेयर गर्नुहोस्
