हेटौंडा टुडे
हेटौडा
सञ्चो अस्पताल हेटौंडाका डाक्टरलाई कुटपिट गरेको आरोपमा थप एक जना पक्राउ परेका छन् । पक्राउ पर्नेमा हेटौंडा उपमहानगरपालिका वडा नम्वर १२ सिक्रेनी बस्ने ३६ वर्षीय सुबास स्याङतान रहेका छन् । उनलाई हटौंडाबाट खटिएको प्रहरी टोलीले हेटौँडा–१० बसपार्कमा हिँडिरहेको अवस्थामा बुधबार पक्राउ गरिएको जिल्ला प्रहरी कार्यालय मकवानपुरका प्रहरी नायव उपरीक्षक लक्ष्मी भण्डारीले जानकारी दिएका छन् ।
उनका अनुसार यसअघि भदौ २८ गते चार जना र असोज ३ गते एक जना गरी पाँच जनालाई नियन्त्रणमा लिइसकिएको छ । पक्राउ पर्नेमा स्याङतान सहित ७ जना पुगेका छन्।
हेटौंडा–१२, पदमपोखरीका ४२ वर्षीय राजेश प्रधानको उपचारको क्रममा मृत्यु भएको भन्दै अस्पतालमा कार्यरत डा। विकास थापा र डा।प्रशान्त विडारीमाथि कुटपिट भएको थियो । चिकित्सकमाथि आक्रमणको अभियोगमा हिरासतमा रहेका मकवापुरका ६ जनालाई आज जिल्ला अदालत मकवानपुरले धरौटीमा रिहा गरेको छ ।
