हेटौंडा टुडे
हेटौंडा । मकवानपुर प्रहरीले जिल्लाको राक्सिराङ गाउँपालिकाबाट कटुवा पेस्तोल र बुलेट बरामद गरेको छ । प्रहरीले पालिकाको वडा नम्बर १, दुङ्गुखोलाबाट १ थान कटुवा पेस्तोल र २ थान बुलेट बरामद गरेको हो ।बागमती प्रदेश प्रहरी कार्यालय हेटौंडाले दिएको जानकारी अनुसार ईलाका प्रहरी कार्यालय मनहरी र प्रहरी चौकी चैनपुरबाट खटिएको प्रहरी टोली उक्त पेस्तोल र बुलेट बरामद गरेको हो ।एकजना मानिसले स्थानीयको पसल अगाडि पेस्तोल देखाउदै हिडेको भन्ने खबर पाएपछि प्रहरी टोली घटनास्थल पुगेको थियो ।
कटुवा पेस्तोल र २ थान बुलेट बरामाद भएपनि पेस्तोल देखाउँदै हिड्ने व्यक्ति भने फरार भएको प्रहरीले जनाएको छ ।प्रहरी घटनास्थल पुग्नु अगावै स्थानीयले उक्त व्यक्ति र हतियारलाई नियन्त्रणमा लिन खोज्दा पेस्तोल र बुलेट भुईमा उक्त व्यक्ति फरार भएको प्रहरीले जनाएको छ । फरार व्यक्तिको खोजी कार्य भइरहेको छ ।
