हेटौंडा टुडे
हेटौडा । मकवानपुरगढीमा बिहीबार दिउँसो मोटरसाइकल दुर्घटना हुँदा ३ जनाको मृत्यु भएको छ । आज दिउँसो भएको मोटरसाइकल दुर्घटनामा घाइते चालकको पनि मृत्यु भएको प्रहरीले जनाएको छ । दुर्घटनामा मोटरसाइकल चालक मकवानपुरगढी-२ सिखरकटेरीका अन्दाजी ३५ बर्षीय भिमबहादुर स्याङतान घाइते भएका थिए। टाउकोमा चोट लागेको उनको उपचारको क्रममा हेटौंडा अस्पतालमा ज्यान गएको मकवानपुर प्रहरीले जनाएको छ।
मकवानपुरगढी(२ धवाडीपुलमा सुकौराबाट कान्तिलोकपथतर्फ आउँदै गरेको प्रदेश ३-०२-०१२ प ६९११ नम्बरको मोटरसाइकल बिहिबार दिउसो आफैं अनियन्त्रित भई पुल छेउबाट अन्दाजी १२ मिटर तल खसेको थियो उक्त दुर्घटनामा मोटरसाइकलमा सवार मकवानपुरगढी(२ कुर्ले पाखाकी ३४ बर्षीया रुपा स्याङतान र उनकै करिब ५ महिने छोरीको ज्यान गएको थियो।उनीहरूको घटनास्थलमा मृत्यु भएको जिल्ला प्रहरी कार्यालय मकवानपुरले जनाएको छ ।
