हेटौंडा टुडे
हेटौंडा । मकवानपुरको मनहरीमा ट्रकले मोटरसाइकललाई ठक्कर दिंदा मोटरसाइकल चालकको ज्यान गएको छ । बिहीबार राति पुर्व पश्चिम राजमार्ग अन्तर्गत मकवानपुरको मनहरी ६ सुनादेवि मन्दिर अगाडी चितवनबाट हेटौँडा तर्फ अउँदै गरेको ना ७ ख १७९६ नम्बरको ट्रकले विपरीत दिशाबाट जाँदै गरेको बागमती प्रदेश ०६ ००१ प ४५३७ नम्बरको मोटरसाइकललाई ठक्कर दिंदा मोटरसाइकल चालक चितवनको माडी नगरपालिका वडा नम्बर १२ वस्ने २० बर्षीय कोरेस चेपाङको ज्यान गएको हो।
दुर्घटनामा गम्भीर घाइते भएका चेपाङको उपचारको क्रममा चितवन स्थित पुरानो मेडिकल कलेजमा मृत्यु भएको मकवानपुरका निमित्त प्रहरी प्रवक्ता प्रहरी निरीक्षक प्रकाश साहले जनाएका छन् । ट्रकलाई प्रहरीले नियन्त्रणमा लिएपनि चालक भने फरार रहेको प्रहरीले जनाएको छ।
सेयर गर्नुहोस्
