हेटौंडा टुडे
हेटौंडा । मकवानपुरको हेटौंडा उपमहानगरपालिका वडा नंबर–११ भैरवडाँडामा घाइते भेटिएका एक पुरुषको मृत्यु भएको छ । मृत्यु हुनेमा अन्दाजी ३५ बर्षीय पुरुष रहेका छन् । उनको पहिचान खुलेको छैन ।
जिल्ला प्रहरी कार्यालय मकवानपुरका अनुसार मंगलबार बिहान ९ बजेर १५ मिनेटको समयमा भैरवडाँडास्थित माथिभरा मन्दिर जाने बाटोमा पुरुष घाइते अवस्थामा फेलाको थियो । उनको उद्धार गरी उपचारका लागि हेटौंडा अस्पतालमा ल्याईएकोमा दिउँसो ३ बजेर ८ मिनेटमा डाक्टरले मृत घोषणा गरेको प्रहरीले जनाएको छ । शव हेटौंडा अस्पतालमा राखिएको छ । घटनाबारे अनुसन्धान भइरहेको प्रहरीले जनाएको छ ।
सेयर गर्नुहोस्
