हेटौंडा टुडे
हेटौंडा । मकवानपुरको हेटौंडा उपमहानगरपालिका वडा नं-१५ रातोमाटेबाट लागुऔषध सहित एक जना पक्राउ परेका छन् । पक्राउ पर्नेमा हेटौंडा उपमहानगरपालिका वडा नं। १० बस्ने १९ बर्षीय असलम मिंया रहेका छन् ।
प्रहरी चौकी रातोमाटे मकवानपुरबाट खटिएको प्रहरी टोलीले वीरगंजबाट हेटौंडातर्फ आउदै गरेको बा।प्र।०३–००१ ज ०३३३ नम्बर ईलेक्ट्रिक गाडीमा सवार मिंयालाई लागूऔषध डाईजेपाम ९१२ एम्पुल, फेनारगन–१२ एम्पुल, नुफिन–१२ एम्पुल सहित पक्राउ गरेको हो ।
उक्त लागूऔषध सहित मिंयालाई नियन्त्रणमा लिएर थप अनुसन्धान कार्य भईरहेको जिल्ला प्रहरी कार्यालय मकवानपुरले जनाएको छ ।
सेयर गर्नुहोस्
