देवकाेटा कान्छाे मनाेज
हेटौंडा । मकवानपुरगढी जेसिजले एक पछि अर्को सामाजिक काममा अग्रसरता देखाई सामाजिक उत्तरदायित्व सहित समाजमा काम गरिरहेको छ । हिजो बुधबार मात्र मकवानपुरगढी गाउँपालिका आसपास गमला वितरण गरेको जेसिज मकवानपुरगढीले आज फेरी मकवानपुरगढी गाउँपालिका वडा नम्बर ४ मा कम्बल बितरण गरेको छ । मकवानपुरगढी गाउँपालिका वडा नम्बर ४ मा रहेका गरिव तथा बिपन्न परिवारका ४० जनालाई आज एक कार्यक्रमका बिच कम्बल बितरण गरिएको हो । कार्यक्रमा मकवानपुरगढी गाउँपालिका वडा नम्बर ४ भित्र बसोबास गर्ने गरिब तथा बिपन्न वर्गका परिवारलाई कम्बल वितरण गरिएको थियो ।
कम्बल वितरण कार्यक्रममा मकवानपुरगढी गाउँपालिकाका अध्यक्ष दोर्जे लामा स्याङतान , वडा नम्बर ४ का वडा अध्यक्ष अर्जुन प्रसाद तिमल्सिना , मकवानपुरगढी जेसिजका सस्थापक अध्यक्ष पुस्पराज पुडासैनी , कार्यकारणी अपाध्यक्ष सुनिल सुबेदी ,महासचिब सुवास अधिकारि , कानुनि सल्लाहाकार रोशस सापकोटा लगाएतकाको उपस्थिति रहेको थियो ।
