हेटौंडा टुडे
हेटौंडा। मकवानपुरको मनहरीमा मंगलबार बिहान हावाहुरीको कारण रुखले थिचेर एकजनाको ज्यान गएको छ । मंगलबार बिहान आएको हावाहुरीले मकवानपुरको मनहरी-२ ट्याङ्की दमार बस्ने २२ वर्षीय राम बहादुर गोलेको ज्यान गएको हो ।उनी आफ्नै घरबाट पुर्व तर्फ आफ्नै बारीमा घाँस काटी रहेको अवस्थामा नजिकै रहेको रुख भाच्चिदा सोही रुखले थिचेर ज्यान गएको मकवानपुर प्रहरी प्रवक्ता प्रहरी नायब उपरीक्षक लक्ष्मी भण्डारीले जानकारी दिएका छन् । उनको घटनास्थलमै ज्यान गएको जनाइएको छ। शव पोस्टमार्टमका लागि हेटौंडा अस्पतालमा राखिएको जनाइएको छ ।
सेयर गर्नुहोस्
