हेटौंडा टुडे
हेटौंडा । मकवानपुरमा स्कारपियो दुर्घटनामा चार जना घाइते भएका छन् । मकवानपुरको मनहरी गाउँपालिका वडा नम्बर–९ खरङ्गा स्थित पुर्व पश्चिम सडक खण्डमा स्कारपियो दुर्घटना हुँदा गाडीमा सवार एकै परिवारका चार जना घाइते भएका हुन् ।
निजगढ बाराबाट चितवन तर्फ आउदै गरेको प्रदेश ३–०१–२२ च ६८६२ न।को स्कारपियो कार आफै अनियन्त्रित भई सडक बायाँ साईडमा रहेको विधुतको पोललाई ठक्कर दिइ सडकबाट ५० मिटर तल खस्न गई दुर्घटना भएको हो ।
दुर्घटनामा स्कारपियोका चालक बारा निजगढ नगरपालिका–७ बस्ने ४५ वर्षिय धन बहादुर स्याङतान, उनको श्रीमती ३८ वर्षिय हरिमायाँ लामा, उनको छोरा १३ वर्षिय यरोश तामाङ र सोही स्थानका ३३ वर्षिय सबु लामा घाइते भएको मकवानपुरका प्रहरीले जनाएको छ । उनीहरुको मनहरी अस्पतालमा सामान्य उपचार पछी भरतपुर अस्पतालमा रिफर गरिएको छ ।
सेयर गर्नुहोस्
