हेटौंडा टुडे
हेटौंडा । मकवानपुर प्रहरीले अवैध लागूऔषध गाँजा बरामद गरेको छ । प्रहरीले शनिबार बिहान जिल्लाको मनहरी गाउँपालिका वडा नं ५ डिल्लिपुरबाट १३७ किलोग्राम गाँजा बरामद गरेको जनाएको छ ।
प्रहरीका अनुसार, राक्सिराङ गाउँपालिकातर्फबाट केही व्यक्तिहरुले गाँजाको भारी बोकी पैदल जैसिङतर्फ आउँदै गरेको भनि प्रहरीलेलाई जानकारी गराइएको थियो । सोही सूचनाको आधारमा पुगेको प्रहरी टोली उक्त स्थानमा पुग्दा अन्दाजी १०–१२ जनाको समूहमा रहेका अपरिचित व्यक्तिहरुले भारी बोकी राप्ती खोला तर्दै गरेको अवस्थामा भेटिएको थियो ।
घटनास्थल पुगेको प्रहरीलाई देख्नासाथ निजहरुले बोकेको सामान (भारी) छोडी फरार भएको र उक्त बोराहरु खोली हेर्दा सो बोराहरु भित्र प्लाष्टिक राखी डोरीले बाँधी प्याक गरेको अवस्थामा उक्त परिणामको गाँजा बरामद गरेको प्रहरीले जनाएको छ ।
फरार ती व्यक्तिहरुको खोजीकार्य गर्नुका साथै प्रहरीले आवश्यक अनुसन्धान कार्य अगाडि बढाइएको छ ।
