हेटौंडा टुडे
हेटौंडा । मकवानपुर प्रहरीले ८ ग्राम ५५० मिलिग्राम लागुऔषध खैरो हेरोइनसहित २ जनालाई नियन्त्रणमा लिएको
छ । हेटौंडा-१ का २७ वर्षीय सनिप भोम्जन र हेटौंडा-२ का २१ वर्षीय विशाल क्षेत्रीलाई लागुऔषधसहित प्रहरीले रातोमाटे चेकपोष्टबाट नियन्त्रणमा लिएको हो ।
प्रहरी चौकी रातोमाटे मकवानपुरबाट खटिएको प्रहरी टोलीले सवारीसाधनहरु चेक गर्ने क्रममा उनीहरुमाथि शंका लागेर खानतलासी गरेको प्रहरीले जनाएको छ । प्रहरीका अनुसार पथलैयाबाट हेटौंडा बजारतर्फ आउँदै गरेको ना. ३५ प ५८११ नम्बर मोटरसाइकलसमेत खानतलासी गर्दा मोटरसाइकलको साइड लाइटभित्र लुकाइल्याएको अवस्थामा खैरो हेरोइन फेला परेको हो । पक्राउ परेकाहरुलाई मकवानपुर जिल्ला अदालतबाट १५ दिनको म्याद थप अनुमति लिइ अनुसन्धान भइरहेको प्रहरीले जनाएको छ ।
सेयर गर्नुहोस्
