हेटौंडा टुडे
हेटौडा । मकवानपुरको पश्चिमी क्षेत्रस्थित मनहरी गाउँपालिकामा गत पुस १४ गते घाँस काट्न गएकी महिलाको ज्यान लिने बाघलाई नियन्त्रणमा लिए लगत्तै पुनः आज फेरी अर्को बाघ देखा परेको छ । बाघ देखा परेपछि स्थानीयहरू फेरी त्रसित बनेका मनहरीका स्थानीय बताउछन । मनहरीको वडा नम्बर १ ज्यामिरे खोलातर्फ बाघ देखा परेको मनहरी गाउँपालिका वडा नम्बर १ का वडाध्यक्ष शिवप्रसाद खनालले जानकारी दिए ।
गत पुस १४ मा भने मनहरी ५ मा बाघको आक्रमणबाट बारीमा घाँस काट्दै गरेकि ७२ बर्षीया कान्छीमाया रुम्बाको ज्यान गएको थियो भने सोही स्थानका सुर्यबहादुर मोक्तानको खोरको सात वटा बाख्रा मारिदिएको थियो । उक्त बाघलाई दुइदिन पछि चितवन र पर्सा राष्ट्रिय निकुञ्जको टोली आएर डार्ट गरेर नियन्त्रण लिएको थियो ।
सेयर गर्नुहोस्
