हेटौंडा टुडे
हेटौडा । हेटौडा र काठमाडौं जोड्ने चखेल-मातातीर्थ सडक स्तरोन्नतिका माघ ७ गते सम्म बन्द हुने भएको छ । सडक स्तरोन्नतिका लागि १५ दिन सडक बन्द हुने भएको हो । मकवानपुरको महालक्ष्मी खोला–मातातीर्थ सडक अन्तर्गत मकवानपुरको इन्द्रसरोवर गाउँपालिका ५ स्थित महालक्ष्मी खोला नजिकै भिर कटानका लागि उक्त सडक बन्द गरिने भएको हो ।
बागमती प्रदेश सरकारको पूर्वाधार विकास कार्यालय मकवानपुरबाट मकवानपुरतर्फको सडक खण्डमा स्तरोन्नतिका क्रममा सडक बन्द गर्न लागिएको इन्द्रसरोवर गाउँपालिकामा ५ का वडाध्यक्ष दुतराज तितुङले जानकारी दिनुभयो । उहाँका अनुसार महालक्ष्मी खाेलादेखि चखेल देउराली हुँदै जाने सडक यही पुस २२ गतेदेखि आगामी माग ७ गतेसम्म बन्द हुनेछ । उक्त सडक खण्डमा हाल स्तरोन्नतिको काम भइरहेको उहाँले बताउनुभयो ।
सेयर गर्नुहोस्
