हेटौंडा टुडे
हेटौडा । आसन्न मकवानपुर उद्योग वाणिजय संघको आसन्न निर्वाचनमा अध्यक्ष पदका उम्मेदवार बनेका संघका उपाध्यक्ष प्रमोदसिं रानाभाटले आफ्नो प्यानल सहित मैदानमा होमिएका छन् । आज एक कार्यक्रमका बीच रानाभाटले आफ्नो प्यानल सहित घोषणा गरेका हुन । आफ्नो प्यानल सेट घोषणा गरेसँगै उनले प्रमुख भावी योजना सार्वजनिक गरेका हुन् । उनले पदको लागि होइन, व्यवसायी समूदायको हितका लागि स्थायी र प्रतिवद्ध रुटिनका रुपमा अघि बढाउँने उनले जनाए । व्यावसायिक जीवनमा मैले सधैं व्यवसायीको हितका लागि काम गर्दै आएको छु । यस क्रममा मैले व्यवसायिक समृद्धि र सामाजिक उत्तरदायित्वलाई सँगसँगै अघि बढाउने प्रयास गरेको छु, रानाभाटले बताए ।
आइतबार साँझ व्यवसायीहरुको भेलामा उनले आफ्नो उम्मेदवार घोषणासँगै सिंगो प्यानल समेत सार्वजनिक गरेका हुन । संघमा वाणिज्यतर्फ, उद्योगतर्फ र एशोसियटतर्फका उम्मेदवारहरु रहेका छन् । संघको यस वर्ष २ हजार ९७ जना मतदाता रहेका छन् । अघिल्लो निर्वाचनभन्दा करिब ८ सय मत यस वर्ष कम रहेको संघले जनाएको छ । रानाभाटले आफ्नो टिम घोषणा कार्यक्रममा संघका अध्यक्ष कृष्णकुमार गुप्ता अग्रवाल, सल्लाहकार नरोत्तम दहाल, सरोज खनाल, हेटौंडा सिमेन्ट उद्योगका अध्यक्ष नरेन्द्र भण्डारी, संघका पूर्व अध्यक्षहरु हिटलर विषेत, केशव श्रेष्ठ, उत्तम शर्मा ढकाल, माधव रिसाल, अरुणराज सुमार्गी, महासंघका केन्द्रीय सदस्य एंव निवर्तमान अध्यक्ष कृष्ण कटुवाल लगायत संघमा आवद्ध विभिन्न वस्तुगत संघका अध्यक्षहरुको आतिथ्यता रहेको थियो ।
