हेटौंडा टुडे
हेटौंडा। मकवानपुरको हेटौंडामा एक महिलाको मृत अवस्थामा फेला परेको छ । जिल्लाको हेटौंडा उपमहानगरपालिका वडा नम्वर १, स्वर्गलोकस्थित लिलामणी पौडेलको घर अगाडीको बरण्डामा सोमबार एक महिलाको शव भेटिएको मकवानपुर प्रहरीले जनाएको छ ।
महिला मृत फेला भन्ने खबरका आधारमा जिल्ला प्रहरी कार्यालयबाट प्रहरी निरीक्षकको नेतृत्वमा गएको प्रहरीले अनुसन्धान गर्दा उक्त महिला मनहरी – ३ हाडीखोला घर भई हेटौडाको बजार एरियामा कवाडीको काम गरी ब्यवारिसे हिसाबले बसोबास गरी हिड्ने अन्दाजी ४२ को बिनय ब्लोनको श्रीमती अन्दाजी ३७ वर्षीया सिता ब्लोन रहेको जनाइएको छ। मृत्युको कारण कालगतिले हो या अन्य हो भन्ने कुरा खुल्न बाँकी रहेको मकवानपुरका प्रहरी प्रवक्ता प्रहरी नायब उपरीक्षक श्यामु अर्यालले जनाएका छन्। मृतकको श्रीमान घटना हुँदा सँगै रहेकोले घटनाको अनुसन्धान भइरहेको जनाइएको छ।
सेयर गर्नुहोस्
