हेटौंडा टुडे
हेटौडा । निर्माण व्यवसायी संघ मकवानपुरको आयोजनामा फागुन ६ गते सुरु भएको हेटौंडामा राष्ट्रिय निर्माण तथा व्यापार महोत्सवमा भरिभराउ दर्शकका बीच बहुचर्चित गायिका एलिना चौहानको दमदार प्रस्तुती दिएकी छिन । आज सनिवार विदा पनि भएकाले मेलामा दर्शक खचाखच भरिएका थिए । उद्घोषकले मञ्चमा एलिनाको नाम उच्चारण गरे संगै दर्शक दिर्घाबाट हुटिङको वर्षा भयो । जब एलिनाले माईक समातेर शब्द उच्चारण गरिन्, दर्शकको हुटिङको माहौल अझै बढ्यो ।
एलिनाले दर्शकहरुलाई आफ्नो गित गाएर भरपुर मनोरञ्जन प्रदान गरिन् । एलिनाले गित गाउँदा दर्शकले पनि संगसंगै गित गाउदै हुटिङ गर्दै नाचेका थिए । मेलामा एलिनाले कट्टा हान्दिन्छ, धोकेवाज हौ तीमि, मिनरल वाटर, दुस्मन हेरेको हेरै लगायतका थुप्रै गित गाएर दर्शकलाई भरपुर मनोरञ्जन गराईन ।
आज भएको कार्यक्रममा एलिन सहित गाएक कमल खत्री गाएक बिसाल खल्तान , जादुगर राजेन्द्र गुन्द्रुके , होचा व्यक्ति मनोज गोर्खाली लगायतका कलाकारहरुको प्रस्तुती रहेको थियो । त्यस्तैगरी भोली आईतबार चर्चित लोक तथा दोहोरी गायक पशुपति शर्मा ,गायिका सान्त रानी परियार मंजु पौडेल , गायिका टिका प्रसाई लगायतका कलाकारहरुको प्रस्तुती रहने महोत्सवको प्रचारप्रसार समितिका संयोजक समेत रहेका संघका उपमहासचिव सुरज बर्तौलाले बताउनु भयो ।
