हेटौंडा टुडे
हेटौंडा । किसमिसमा पोषक तत्व र एन्टिअक्सिडेन्ट प्रशस्त मात्रामा पाइन्छ । यसको सेवन गर्नाले शरीरलाई एक मात्र नभएर धेरै फाइदा हुन्छ । ४ देखि ५ वटा किसमिसलाई रातभर पानीमा भिजाउनु होस् र भोलिपल्ट बिहान त्यसलाई खानुहोस्, तपाइमा अर्कै रौनक वा चमक देखिन थाल्छ।
कस्ता व्यक्तिले किसमिसको पानी सेवन गर्दा धेरै फाइदा हुन्छ भन्ने बारेमा हामी चर्चा गर्दैछौँ ।
आइरन कम भएकाका लागि
किसमिसमा प्रशस्त मात्रामा आइरन हुन्छ । भिजेको किसमिस खाँदा शरीरलाई प्रशस्त मात्रामा आइरन प्राप्त हुन्छ। यसले रातो रक्त कोशिकाहरू बढाउँछ र एनिमिया हटाउँछ। यस्तो अवस्थामा आइरनको कमी र रक्तअल्पताबाट पीडित व्यक्तिहरूले भिजेको किसमिस सेवन गर्न सक्छन्।
कमजोर प्रतिरक्षा प्रणाली
शरीरको रोग प्रतिरोधात्मक क्षमता कमजोर भएमा मानिस चाँडै रोगको सिकार बन्न सक्छ । यस्तो अवस्थामा रुघाखोकी वा मौसमी अनुसारका रोगका समस्याले पनि मानिसलाई चाँडै असर गर्छ।त्यसैकारण भिजाएको किसमिस खानु निकै राम्रो मानिन्छ ।
किसमिस भिजाएर खानुका फाइदाहरू
जसको शरीरमा विषाक्त पदार्थ हुन्छ, उसलाई यसको जरूरी पर्दछ । शरीरमा विषाक्त पदार्थको मात्रा बढेपछि स्वास्थ्य सम्बन्धी समस्या आउन थाल्छ ।विषाक्त पदार्थहरूले शरीरमा फोहोर निम्त्याउँछ, जसको प्रभाव आन्तरिक र बाह्य दुवै रूपमा देखिन्छ। यस्तो अवस्थामा किसमिसले शरीरलाई डिटक्सिफाइ गर्न मद्दत गर्छ।
छालाको समस्या निराकरणका लागि
भिजेको किसमिस छालाको समस्यालाई टाढा राख्न पनि प्रभावकारी हुन्छ। भिजेको किसमिसमा पाइने एन्टिअक्सिडेन्टले छालालाई फ्री रेडिकलले हुने क्षतिबाट बचाउँछ । किसमिसमा भिटामिन ए र ई पनि पाइन्छ जुन छालाको स्वास्थ्यका लागि राम्रो हुन्छ । भिजेको किसमिसले बुढ्यौलीलाई कम गर्न पनि प्रभावकारी हुन्छ। यस्तो अवस्थामा छालामा सुधार ल्याउन किसमिस खान सकिन्छ ।
त्यसैगरी हड्डी बलियो बनाउन पनि भिजेको किसमिसको सेवन गर्न सकिन्छ । किसमिसले हड्डीलाई क्याल्सियम प्रदान गर्छ भने किसमिसको सेवनले मुटुलाई स्वस्थ राख्न पनि प्रभावकारी हुन्छ ।
कब्जियतको समस्याबाट छुटकारा पाउन समेत भिजेको किसमिस खान सकिन्छ । किसमिसले ग्यास्ट्रोइन्टेस्टाइनल डिसअर्डरलाई पनि टाढा राख्छ।।
