हेटौंडा टुडे
हेटौंडा । माझी समुदायले आज लदी पर्व मनाउँदैछन् । माझीहरुको सघन बस्ती भएका स्थानीय तहहरुले सार्वजनिक विदा समेत दिने गरेका छन् । बागमती प्रदेशले माझी समुदायहरुलाई सार्वजनिक विदा दिएको छ । लदि (कोशी) पुजा माझीहरुमो प्रमुख चाड हो । यो चाड विशेष किसिमले पानीको स्थानीय रुपमा जहाँ जुन खोला नदि छ त्यसलाई पुजा गरेर चाडको रुपमा मनाउँने गर्दछन् ।
माझी समुदायले प्रत्येक वर्ष फागुन महिनाको तेस्रो मंगलबार विशेष पर्वको रुपमा लिएर लदी पर्व मनाउने गरेका छन् । यस वर्षको लदी पर्व फागुनको तेस्रो साता मंगलबार आज परेको हो ।
माझी समुदायको मुख्य पेशा नदीमा डुङ्गा तार्ने, माछा मार्ने रहदैँ आएको छ । नदीमा माछा मार्दा र डुङ्गा तार्दा नबगाओस् भन्ने हेतुले वर्षेनी माझी समुदायले लदी पर्वको दिन विशेष पूजाआजा गर्दै आएका छन् । यो जातिको आफ्नै भाषा, धर्म, संस्कार संस्कृति, भेषभुषा, रहन सहन र सामाजिक परम्परा छ । जातिय स्वभाव अत्यन्त सोझा मिजासिला र मेहनती यो जाति, सकेसम्म आफ्नो समुदायमा मात्र बस्न रुचाउछन् ।
माझी समुदायले आजको दिन खोलाको संगममा खोलालाई बोका, कुखुरा र परेवाको बली समेत दिने गरेका छन् ।
