हेटौंडा टुडे
मोटोपन विश्वव्यापी स्वास्थ्य समस्याका रूपमा देखा पर्दै गएको छ । मोटोपन धेरै रोगको कारण हो। शरीरको तौल बढ्नु समग्र स्वास्थ्यको लागि हानिकारक मानिन्छ। यसबाहेक मोटोपनले शारीरिक र मानसिक रूपमा नकारात्मक असर गर्छ। नेपालमा मोटोपनको समस्या तीव्र गतिमा बढ्दो छ ।
मोटोपन भनेको के हो ?
मोटोपन जटिल दीर्घरोग समस्या हो । शरीरको तौल बढ्नु समग्र स्वास्थ्यको लागि हानिकारक मानिन्छ। शरीरमा अत्यधिक बोसो जम्मा भएमा मोटोपन भएको मानिन्छ । मोटोपनले टाइप टु मधुमेह र मुटुको रोगको जोखिम बढाउनुका साथै, हड्डीको स्वास्थ्य, क्यान्सर र प्रजनन क्षमतामा कमी ल्याउने समस्या निम्त्याउने गर्छ । मोटोपनले निन्द्रा लगायतका दैनिक जीवनशैलीमा असर पार्दछ। मोटोपनको कारण अत्यधिक चिल्लो, चिनी, कार्बोहाइड्रेटयुक्त खाना, अस्वस्थ जीवनशैलीको कारणले मोटोपन तीव्र गतिमा बढ्दै गएको छ । खानपान र शारीरिक गतिविधिबिचको असन्तुलनको कारणले मोटोपन हुनेगर्छ ।
तौल बढ्नुका कारण धेरै शारीरिक रोगका साथै मानसिक कमजोरी हुनसक्छ। मोटोपन हटाउन मानिसहरू डाइटिङ गर्न थाल्छन्। तौल घटाउने धेरै घरेलु उपाय छन्।तौल घटाउनकै लागि मानिस कसरत गर्छन्। तर, मोटोपन नियन्त्रण गर्न र तौल घटाउन डाइटिङ र कसरतले पनि शरीरलाई हानी पुर्याउँछ। मोटोपनले यस्ता रोग निम्त्याउँछन
मधुमेहको जोखिम
मधुमेह मोटोपनाको कारण हुन सक्छ।
उच्च रक्तचाप समस्या
लगातार तौल बढ्नाले उच्च रक्तचाप हुन सक्छ।
निद्राको समस्या
तौल बढी भएकाले राति राम्रोसँग निद्रा लाग्दैन। यसको एउटा कारण आन्द्रामा बोसो जम्मा भएका कारण रक्तनलीले सामान्य रूपमा रगत आपूर्ति गर्न नसक्ने र सुत्दा सास फेर्न समस्या हुने हुन्छ।
मुटु रोगको जोखिम
तौल बढ्दा मुटु रोगको सम्भावना पनि बढ्छ। मोटोपनले मुटुसँग सम्बन्धित समस्या हुने जोखिम पनि बढाउँछ। एन्जाइना, हृदयाघात, कार्डियाक अरेस्ट जस्ता जोखिमको सम्भावना पनि बढ्छ।
