हेटौंडा टुडे
हेटौंडा । राष्ट्रिय प्रजातन्त्र पार्टी (राप्रपा) का सांसद एवं पूर्वमन्त्री दीपक बोहोराको निधनप्रति संसद्ले शोक प्रस्ताव पारित गरेको छ । काठमाडौंको ओम अस्पतालमा उपचारको क्रममा मंगलबार निधन भएका बोहोराको निधनप्रति शोक प्रस्ताव पारित गर्दै प्रतिनिधिसभा बैठक स्थगित भएको हो । ७४ बर्षीय बोहोराको कोरोनाका कारण घाँटीमा समस्या आएको थियो । बोहोरा ०७९ को निर्वाचनमा रूपन्देही क्षेत्र नम्बर–३ बाट निर्वाचित भएका थिए । बोहोरा ०३८ सालमा राष्ट्रिय पञ्चायत निर्वाचनमा रूपन्देहीबाट सदस्य निर्वाचित भएका थिए । उनी ०४३ मा पनि रूपन्देहीबाट राष्ट्रिय पञ्चायत सदस्यमा निर्वाचित भएका थिए भने उनी ०७० सालमा संविधानसभाको दोस्रो निर्वाचनमा रूपन्देही–२ बाट निर्वाचित भएका थिए । ०३८ सालमा पहिलोपल्ट सहायक मन्त्री बनेका उनी २०४०, २०४३, २०४४, २०६७, २०७२, २०७३ र २०७४ मा मन्त्री बने ।
यो चालु हिउँदे अधिवेशनको अन्तिम बैठक हो । मंगलबार राति १२ बजेबाट हिउँदै अधिवेशन अन्त्य हुँदै छ ।
