हेटौंडा टुडे
हेटौंडा । कक्षा १२ को परीक्षा ११ वैशाखदेखि सञ्चालन हुँदै छ । तर, शिक्षकहरूले परीक्षाको व्यवस्थापन र सञ्चालनमा सहभागी नहुने घोषणा गरेकाले छन् । परीक्षा सञ्चालन गर्ने शिक्षकले नै सहभागी नहुने बताएपछि अन्योल भएको छ । राष्ट्रिय परीक्षा बोडर्का अध्यक्ष महाश्रम शर्मा यहि गतिमा शिक्षकहरूको आन्दोलन जारी रहेमा परीक्षा प्रभावित हुने बताउँछन् । ‘आन्दोलन रोकिएन भने प्रभावित हुन्छ । परीक्षाको व्यवस्थापन गर्ने नै शिक्षक हो । बोर्डले परीक्षाको तयारी पूरा गरेको उनले बताए ।
विद्यार्थीको भविस्य भनेको हामी सबैको भविष्य हो । कक्षा १२ उच्च शिक्षामा जाने परीक्षा हो ।अन्तर्राष्ट्रिय विषय पनि हो । एक दिन अफ्ट्यारो भयो भने पनि असर पर्छ’, उनले भने, ‘बोर्डले अनुरोध गरेको छ । सरकार र शिक्षकबीचको संवाद टुंगिन पर्यो ।’ शिक्षकले परीक्षा नरोक्ने उनले विश्वास व्यक्त गरे । ‘आफैंले पढाएको विद्यार्थीको परीक्षा रोक्छौं भन्नु राम्रो होइन । शिक्षकले रोक्नु हुन्छ भन्ने विश्वास छैन’, उनले भनेका छन । यस बर्ष परीक्षा दिने करिब ५ लाख विद्यार्थी छन् । परीक्षा नरोकिने र क्यालेन्डर बनाएर काम गरेका भन्ने भनाइ छ । तोकेको मितिमा परीक्षा हुने एक वर्षअघि नै थाहा भएको र परीक्षा प्रभावित नहुने भन्ने विश्वास राखेका छन।
