हेटौंडा टुडे
हेटौंडा । मकवानपुरमा मोटरसाइकलको ठक्करबाट एक जना पैदलयात्री महिलाको मृत्यु भएको छ । पुर्व पश्चिम राजमार्ग अन्तर्गत मनहरी ७ लच्का मनहरीबाट सुनाचुरी तर्फ जादै गरेको बा ६२ प १११४ नम्बरको एनएस मोटरसाइकलले बाटो काट्दै गरेकी एक महिलालाई ठक्कर दिएको थियो। ठक्कर दिइ फरार रहेको मोटरसाइकललाई इलाका प्रहरी कार्यालय मनहरीको टोलीले खोजतलास गरी मोटरसाइकल सहित चालक मन्शु गुरुङलाई मनहरी ६ प्रतापपुरबाट फेला पारेको थियो।
ठक्करबाट गम्भीर घाइते महिलाको उपचारको क्रममा हेटौंडा अस्पतालमा ज्यान गएको जनाइएको छ । मृतक महिलाको हालसम्म शनाखत हुन नसकेको जनाइएको छ । घटनाको आवश्यक अनुसन्धान भइरहेको जनाइएको छ ।
सेयर गर्नुहोस्
