हेटौंडा टुडे
हेटौडा। राक्सिराङ गाउँपालिका वडा नम्वर ५ बोटबारी खोलामा आएको बाढीले बगाउँदा एक जनाको मृत्यु भएको छ । बुधबार खोला तर्ने क्रममा बगाउँदा मृत्यु भएको जिल्ला प्रहरी कार्यालय मकवानपुरका प्रहरी नायव उपरीक्षक टेकबहादुर कार्कीले जानकारी दिए । प्रहरी नायव उपरीक्षक कार्कीका अनुसार, बुधबार वर्षासँगै आएको बाढीले बगाउँदा दुई जना बेपत्ता भएका थिए ।
तीमध्ये एक जनाको शव बुधबार साँझ ६ः४५ बजेको समयमा मनहरी खोलास्थित फेला परेको हो । मृतकको हालसम्म पनि सनाखत हुन सकेको छैन । उनको शव पोस्टमार्टमको लागि राति नै हेटौंडा अस्पतालमा ल्याइएको र पहिचान खुलाउने प्रयास भइरहेको प्रहरी नायव उपरीक्षक कार्कीले बताए । बेपत्ता अर्का एक जनाको भने खोजीकार्य जारी रहेको जनाइएको छ ।
सेयर गर्नुहोस्
