हेटौंडा टुडे
हेटौडा । नेपाली फिल्म ‘प्रेमगीत ३’लाई ‘कपिल शर्मा शो’मा चर्चित बलिउड कलाकार मनिषा कोइराला र गोविन्दालाई लिएर लैजाने तयारी भएको छ । उक्त चर्चित भारतीय शोमा ‘प्रेमगीत’को तर्फबाट सहभागी हुन गरिएको प्रस्तावमा मनिषा र गोविन्दाले सहमति दिएको निर्माता सन्तोष सेनले जानकारी दिए ।
शोमा भाग लिन ‘प्रेमगीत ३’ का भारतीय निर्माताले सञ्चालक कपिल शर्मालाई आग्रह गरेका छन् । तर कपिलले चाहिं यसबारे निधो दिइसकेका छैनन् । ‘उहाँले सेड्युल मिलाएर निधो दिन्छौं भन्नुभएको छ, तर निधो आइसकेको छैन । यदि सुटिङ भयो भने सेप्टेम्बर १४(१५ तिर हुन्छ,’ सेनले अनलाइनखबरसँग भने ।यसैसाता ‘प्रेमगीत ३’ का निर्माता र कलाकारसँग मनिषाको मुम्बईस्थित निवासमा यसबारे छलफल भएको थियो । उनले सामाजिक सञ्जालबाट पनि फिल्मको प्रमोसन गरिरहेकी छन् ।
सेयर गर्नुहोस्
