हेटौंडा टुडे
हेटौंडा| जुम्लामा ट्याक्टर दुर्घटना हुँदा एकको मृत्यु र पाँचजना घाइते भएका छन् । जिल्लाको पातारासी गाउँपालिका–६ वडीखोलीमा ट्याक्टर दुर्घटना हुँदा एक जनाको मृत्यु भएको हो ।
गएराति ७ बजे कर्णाली प्रदेश ००२००१ त ०४२७ नम्बरको ट्याक्टर दुर्घटना हुँदा पातारासी–२ का अन्दाजी ५२ वर्षीय अमिर बोहोराको मृत्यु भएको जिल्ला प्रहरी कार्यालय जुम्लाले जनाएको छ ।
प्रहरी नायव उपरीक्षक प्रह्लाद कार्कीका अनुसार दुर्घटनामा पातारासी–३ का २९ वर्षीय सुर बुढा, १२ वर्षीया सरिता बोहरा, ५० वर्षीय लोगबहादुर बोहरा, ३० वर्षीया मायादेवी बोहरा र ५० वर्षीय परेक बोहरा घाइते भएका छन् ।
घाइतेको अवस्था सामान्य भएको र कर्णाली स्वास्थ्य विज्ञान प्रतिष्ठान शिक्षण अस्पतालमा उपचार भइरहेको छ । ट्याक्टर चालक भने फरार रहेका प्रहरीले जनाएको छ ।
सेयर गर्नुहोस्
