हेटौंडा टुडे
हेटौंडा|मकवानपुर प्रहरीले जिल्लाको राक्सिराङ गाउँपालिका वडा नम्वर ८ बाट आज बिहान अवैध लागूऔषध गाँजासहित दुई जनालाई पक्राउ गरेको छ । प्रहरीले ३४५ किलो ४०० ग्राम गाँजासहित दुई जनालाई पक्राउ गरेको हो ।
पक्राउ पर्नेहरुमा स्थानीय ठाकुराम मुक्तान र प्रमेबहादुर घलान रहेको जिल्ला प्रहरी कार्यालय मकवानपुरका प्रहरी निरीक्षक रामचन्द्र घिमिरेले जानकारी दिए । उनका अनुसार, आज बिहान साढे २ बजेको समयमा विशेष सूचनाको आधारमा पुगेका प्रहरीले उनीहरुको घर छापा मार्दा उक्त परिमाणको गाँजा बरामद गरेपछि निजहरुलाई पक्राउ गरिएको हो ।
पक्राउ परेका उनीहरुलाई आवश्यक अनुसन्धानका साथै कानूनी प्रकृयाको लागि जिल्ला प्रहरी कार्यालयतर्फ ल्याउँदै गरेको प्रहरी निरीक्षक घिमिरेले बताएका छन् ।
सेयर गर्नुहोस्
