हेटौंडा टुडे
हेटौंडा| प्रहरीले पाँच जना कलाकार र ३ जना युट्युबरलाई पक्राउ गरेको छ । पक्राउ पर्नेहरुमा कलाकारहरु राजु पौडेल (राजु मास्टर), मरिचमान श्रेष्ठ (बल्छी ध्रुवे), भटभटे माइला (बेगम नेपाली), पवन खतिवडा (म्याकुरी) र सरोज घिमिरे रहेका छन् ।
यस्तै, युट्युबर अलिस राई, जलन घर्ती मगर र गणेश देवकोटालाई पनि पक्राउ गरेको प्रहरीले जनाएको छ । उनीहरुले बेटिङलाई प्रमोशन गरेको आरोपमा पक्राउ गरेको प्रहरीले जनाएको छ ।
उनीहरुलाई काठमाडौं उपत्यका अपराध अनुसन्धान कार्यालयको टोलीले पक्राउ गरेको हो । प्रहरीका अनुसार, उनीहरुले आफ्नो स्वामित्वका फेसबुक पेज र यु्ट्युबमार्फत अनलाइन बेटिङको प्रवद्र्धन गरेको पाइएको छ ।
हास्य शृङ्खला ‘मेरी बास्सै’ मा ‘बल्छी ध्रुवे’ को भूमिका निर्वाह गरेपछि चर्चित बनेका मरिचमान पछिल्लो समय ‘हल्ल्का रमाइलो’ र ‘जुठे’ टेलिश्रृंखलामा देखिँदै आएका छन् । पक्राउ पर्ने कलाकारहरु एकै टिममा आबद्ध भएको बताइएको छ ।
प्रहरीले वानएक्स बेटमार्फत करोडौंको सट्टेवाजी भएको अनुसन्धानबाट खुल्न आएको बताएको छ ।
