हेटौंडा टुडे
हेटौडा । नेपाल–भारत सीमा क्षेत्र नजिकै भारती भूमिमा विराटनगरका एक जना युवामाथि गोली प्रहार भएको छ । आइतबार साँझ विराटनगर महानगरपालिका–८का २८ वर्षीय निर्दोष संग्रौलामाथि गोली प्रहार भएको जिल्ला प्रहरी कार्यालय मोरङका डिएसपी रन्जन दाहालले जानकारी दिए।
भारतको रेलवे स्टेशनबाट करिब १०० मिटर टाढा गोली प्रहार भएको हो। ६–७ जना युवाहरुको समूहले गोली प्रहार गरेको उनले बताएका छन् । उनको बायाँ तिघ्रामा गोली लागेको छ । घाइते भएका संग्रौलाको उपचार विराटनगरस्थित कोशी अस्पतालको आकस्मिक कक्षमा भइरहेको छ ।
डिएसपी दाहालका अनुसार निर्दोष आइतबार अपराह्नमा भारत गएका थिए। सोही क्रममा भारतीय भूमितिर उनीमाथि गोली प्रहार भएको उनको अनुमान छ । घाइते रहेका निर्दोष खतरामुक्त छन्। गोली प्रहार गर्ने व्यक्तिहरूको पहिचान भइसकेको छैन। उनले घटना विषय अनुसन्धान भइरहेको बताए ।
सेयर गर्नुहोस्
