हेटौंडा टुडे
हेटौंडा। हेटौंडा उपमहानगरपालिका वडा नं-१० बसपार्कबाट बिहीबार लागुऔषध गाँजा सहित एक जना पक्राउ परेका छन् । पक्राउ पर्नेमा जितपुर सिमरा उपमहानगरपालिका वडा नं-१७ रामनगर बस्ने २२ बर्षीय श्रवण कुमार साह रहेका छन् ।
बिहीबार दिउँसो १२ बजेको समयमा बसपार्क क्षेत्रमा खटिएको प्रहरीको गस्ती टोलीले साहलाई १० किलो लागुओैषध गाँजा सहित पक्राउ गरेको हो । बसपार्कको अग्नी बसको काउण्टर नजिक बसेका साहलाई शंका लागेर चेकजाँच गर्दा उनले बोकेको कपडाको झोलाबाट उक्त गाँजा बरामद गरिएको जिल्ला प्रहरी कार्यालय मकवानपुरले जनाएको छ ।
सेयर गर्नुहोस्
