हेटौंडा टुडे
हेटौँडा । मकवानपुरको मनहरीमा जंगली हात्तीले आतङ्क मच्चाएको छ । मनहरी गाउँपालिका–८ सिम्पानीमा जंगली हात्तीले आतङ्क मच्चाउदा एक घर पूर्णरूपमा क्षति भएको छ भने एउटा गोठ आंशिक रूपमा क्षति भएको छ । आइतबार राति मनहरी गाउँपालिका–८ सिम्पानीमा जंगली हात्तीले आई टल्के चेपाङको जस्ता र ढुंगा माटोले बनेको एक तले घरमा आक्रमण गर्दा घर पूर्णरूपमा क्षति पुर्याएको छ ।
त्यसैगरी गए रातिनै स्थानीय राम बहादुर तामाङको गोठमा जंगली हात्तीले आक्रमण गर्दा गोठमा आंशिकरूपमा क्षति पुगेको मकवानपुर प्रहरी प्रवक्त डिएसपी लक्ष्मी भण्डारीले जनाएका छन् । जंगली हात्तीले आतङ्क पछि प्रहरी, नेपाली सेना र स्थानीयको सहयोगमा हात्तीलाई जंगलतर्फ धपाइएको प्रहरीले जनाएको छ । जंगली हात्तीले आक्रमणबाट मानवीय क्षति भने नभएको प्रहरीले जनाएको छ।
सेयर गर्नुहोस्
