बस र ट्रक ठोक्किंदा ३ जनाको मृत्यु

हेटौंडा । पूर्वपश्चिम राजमार्ग अन्तरगत बाराको जितपुरसिमरा-२२ ३ नम्बर पुल नजिक बस र ट्रक ठोक्किंदा ३ जनाको मृत्यु भएको छ ।मृत्यु हुनेमा ट्रक चालक तनहुँ पिपरटारका अन्दाजी २८ वर्षीय पुर्ण गुरूङ, बस चालक हेटौडा-३ बसामाडीका ४० बर्षीय हरिसम्शेर सुयाल थापा र पहिचान नखुलेका ३०्३५ बर्षीय पुरूष रहेका छन् । उनीहरूको उपचारका क्रममा हेटौंडा अस्पतालमा मृत्यु भएको जनाइएको छ । दुर्घटनामा घाइते ६ जनालाई चितवन पठाइएको र एकजनाको हेटौंडा अस्पतालमा उपचार भइरहेको प्रहरीले जनाएको छ । २० जनाको बारामा उपचार भइरहेको छ ।
काँकडभिट्टाबाट काठमाडौंतर्फ जाँदै गरेको बा ३(००१ख २५८७ नम्बरको बस र हेटौडाबाट पथलैयातर्फ जाँदै गरेको ना ७ ख ७३०० नम्बरको ट्रक एकआपसमा ठक्कर खाएको इलाक प्रहरी कार्यालय सिमराले जनाएको छ ।