हेटौंडा टुडे
हेटौंडा। प्रहरीले हेटौंडाका एक युवकलाई करिब ५ किलो अबैध लागुऔषध गाजा सहित बाराबाट पक्राउ गरेको छ । जितपुर सिमरा उपमहानगरपालिका–७ टेढारोडबाट हेटौंडा उपमहानगरपालिका–३ बस्तीपुर बस्ने २७ वर्षीय पवन गिरीलाई गाँजा सहित मंगलबार बिहान प्रहरीले पक्राउ गरेको हो ।
ईलाका प्रहरी कार्यालय जितपुरबाट खटिएको प्रहरीले उनलाई उक्त गाँजासहित पक्राउ गरेको हो । साथै प्रहरी टोलीलाई देख्नासाथ एक जना व्यक्तिले झोला छाडी फरार भएपश्चात उक्त झोला जाँच गर्ने क्रममा अवैध लागूऔषध गाँजा करिब ५ किलो फेला पारी प्रहरीले बरामद गरेको प्रहरीले जनाएको छ ।प्रहरीले हाल फरार व्यक्तिको खोजी गरिरहेको छ । यस सम्बन्धमा आवश्यक अनुसन्धान गरिरहेको प्रहरीले जनाएको छ ।
सेयर गर्नुहोस्
