हेटौंडा टुडे
हेटौंडा । मकवानपुरको हेटौंडा १९ मा ट्रक र मोटरसाइकल ठोक्किंदा मोटरसाइकल चालकको मृत्यु भएको छ । सोमबार बिहान पुर्व पश्चिम राजमार्ग अन्तर्गत हेटौंडा-१९ नेवारपानीस्थित कोशिस पेट्रोल पम्प नजिक नवलपरासीबाट झापाको लागि सिमेन्ट लोड लिई जाँदै गरेको बागमती प्रदेश ०३-००१ ख २०८६ नम्बरको ट्रकले हेटौंडाबाट मनहरीतर्फ जाँदै गरेको बागमती प्रदेश ०२-०२२ प २५०२ नम्बरको मोटरसाइकललाई ठक्कर दिंदा मोटरसाइकल चालकको मृत्यु भएको हो ।
मृत्युु हुनेमा हेटौंडा-९ का २५ वर्षीय अभिषेक सुवेदी रहेको मकवानपुर प्रहरी प्रवक्ता प्रहरी नायब उपरीक्षक लक्ष्मी भण्डारीले जानकारी दिएका छन् । दुर्घटनामा घाइते भएका चालकको उपचारको क्रममा हेटौंडा अस्पतालमा मृत्यु भएको जनाइएको छ । ठक्कर दिने ट्रक र चालकलाई प्रहरीले नियन्त्रणमा लिइसकेको जनाइएको छ ।
सेयर गर्नुहोस्
