हेटौंडा टुडे
हेटाैंडा। गर्भावस्था एक सुन्दर अनुभव हो, तर यसमा केही कठिनाइ पनि आउँछन् । गर्भावस्था हुँदा आउने समस्या स्ट्रेच मार्कहरू पनि हो । छाला तानिनुका कारण यी निशानहरू हुन्छन् । जुन अधिकांश पेट, जाँघ र स्तनमा देखा पर्छन् । यदि तपाईंले समयमै केही उपाय अपनाउनुभयो भने यसबाट बच्न सकिन्छ । यहाँ हामी तपाईंलाई केही सजिला उपायहरू बताउँछौँ, जुन गर्भावस्थाको तेस्रो महिनादेखि नै अपनाउन सकिन्छ ।
छालालाई मोइस्चराइज राख्नुहोस्
गर्भावस्थाको समयमा तपाईंको छाला तन्किने हुन्छ, जसले स्ट्रेच मार्कहरू निम्त्याउन सक्छ । यसलाई रोक्न दैनिक आफ्नो छालालाई मोइश्चराइज गर्न महत्त्वपूर्ण छ । जसमा भिटामिन ई, कोको बटर र एलोभेराजस्ता तत्त्वहरू हुन्छन् । यी तत्त्वले छालालाई नरम र लचिलो राख्छन्, जसले स्ट्रेच मार्कहरूको सम्भावना कम हुन्छ ।
पानी बढी पिउनुहोस्
पानी पिउनु तपाईंको छालाका लागि धेरै फाइदाजनक हुन्छ । यसर्थ, दैनिक कम्तीमा ८–१० गिलास पानी पिउनुहोस् ।
सन्तुलित आहार लिनुहोस्
तपाईंको आहारले पनि तपाईंको छालाको स्वास्थ्यमा प्रभाव पार्छ । गर्भावस्थाको समयमा भिटामिन सी, भिटामिन ई, जिंक र प्रोटिनले भरिएको आहार लिनुहोस् । यी पोषक तत्त्वहरूले तपाईंको छालालाई बलियो बनाउँछन् र यसलाई तन्किनबाट बचाउँछन् ।
तौललाई नियन्त्रित राख्नुहोस्
गर्भावस्थाको समयमा तौल बढ्नु सामान्य हो, तर यसलाई बिस्तारै–बिस्तारै बढाउनु राम्रो हुन्छ । अचानक तौल बढ्दा छाला बढी तन्किन्छ, जसले स्ट्रेच मार्कहरूको सम्भावना बढाउँछ ।
नियमित मसाज गर्नुहोस्
नियमित रुपमा आफ्नो छालामा मसाज गर्नाले पनि स्ट्रेच मार्कबाट बच्न सकिन्छ । यसर्थ हल्का हातले आफ्नो छालामा दैनिक १०–१५ मिनेट मसाज गर्नुहोस् ।
