टुडे संवादाता 
साउन १६,काठमाडौं/पाटन अस्पतालमा उपचार गराइरहेका एक जना कोरोना सङ्क्रमितको मृत्यु भएको छ । उहाँको शुक्रबार बिहान मृत्यु भएको अस्पतालका निर्देशक डाक्टर विष्णु शर्माले पुष्टि गर्नु भएको हो ।
अस्पतालका निर्देशक शर्माका अनुसार अस्पतामा उपचार गराइरहेकी ६५ वर्षीया महिलाको मृत्यु भएको हो । अस्पतालका निर्देशक शर्माका अनुसार कोरोना सङ्क्रमणसँगै ती महिलालाई उच्च रक्तचापको समस्या पनि थियो ।
गएको ६ गते अस्पताल भर्ना भएकी उहाँको स्टार अस्पतालमा कोरोना परीक्षण भएको थियो । रिपोर्ट पोजेटिभ आएपछि उहाँको पाटन अस्पतालमा उपचार भइरहेको थियो ।
वीरगञ्जबाट काठमाण्डौ आएसँगै उहाँमा रुघाखोकीलगायतको समस्या देखिएको थियो ।
सेयर गर्नुहोस्
